![Manuscript](../img_360/008r_360.jpg) |
429 Yolden to relygioun,
430 Sich semede hir devocioun.
431 A sauter helde she fast in honde,
432 And bisily she gan to fonde
433 To make many a feynt praiere
434 To god, and to his seyntis dere.
435 Ne she was gay, ne fresh, ne Iolyf,
436 But semede to be ful ententyf
437 To gode werkis, and to faire
438 And therto she had on an haire.
439 Ne certis, she was fatt no thing,
440 But semed wery for fasting;
441 Of colour pale and deed was she.
442 ffrom hir the gate ay werned be
443 Of paradys, that blisful place;
444 ffor sich folk maketh lene hir grace,
445 As Crist seith in his evangile,
446 To gete prys in toun a while;
447 And for a litel glorie veigne
448 They lesen god and his reigne.
449 And alderlast of everychon,
450 Was peynted povert al Aloon,
451 That not a peny hadde in wolde,
452 All though she hir clothis solde,
|