![Manuscript](../img_360/006v_360.jpg) |
309 That she hadde suffred day and nyght
310 Made hir ful yolawe, and no thing bright,
311 fful fade, pale, and megre Also.
312 Was never wight yit half so wo
313 As that hir semede forto be,
314 Nor so fulfilled of ire as she.
315 I trowe that no wight myght hir please,
316 Nor do that thyng that myght hir ease;
317 Nor she ne wolde hir sorowe slake,
318 Nor comfort noon unto hir take;
319 So depe was hir wo bigonnen,
320 And eek hir hert in angre ronnen,
321 A sorowful thing wel semed she.
322 Nor she hadde no thing slowe be
323 fforto forcracchen al hir face,
324 And for to rent in many place
325 Hir clothis, and forto tere hir swire,
326 As she that was fulfilled of ire;
327 And alto torn lay eek hir here
328 Aboute hir shuldris, here and there,
329 As she that hadde it al to rent
330 ffor angre and for maltalent.
331 And eek I telle you certeynly
332 Hough that she wepe ful tendirly.
|