7117   And the note kernell the shell
7118   I scorne not that I yow tell
7119   Right so, withouten ony gile,
7120   Sourmounteth this noble evangile
7121   The word of ony evangelist."
7122   And to her title they token Crist;
7123   And many a such comparisoun,
7124   Of which I make no mencioun,
7125   Might men in that book fynde,
7126   Who so coude of hem have mynde.
7127   'The universite, that tho was Aslepe,
7128   Gan forto braide, and taken kepe;
7129   And at the noys the heed upcast,
7130   Ne never sithen slept it fast,
7131   But up it stert, and armes toke
7132   Ayens this fals horrible boke,
7133   Al redy bateil to make,
7134   And to the Iuge the book to take.
7135   But they that broughten the boke there
7136   Hent it anoon awey, for fere;
7137   They nolde shewe more a dele,
7138   But thenne it kept, and kepen will,
7139   Til such a tyme that they may see
7140   That they so stronge woxen be,