![Manuscript](../img_360/092r_360.jpg) |
4695 Thou shalt not knowe therof more
4696 While thou art reuled by his lore;
4697 But unto hym that love wole flee,
4698 The knotte may unclosed bee,
4699 Which hath to thee, as it is founde,
4700 So long be knette and not unbounde.
4701 Now sette wel thyne entencioun,
4702 To here of love discripcioun.
4703 'Love, it is an hatefull pees,
4704 A free acquitaunce, withoute relees,
4705 And thurgh the frette full of falsheede,
4706 A sikernesse, all sette in drede;
4707 In herte is a dispeiryng hope,
4708 And full of hope, it is wanhope;
4709 Wise woodnesse, and vode resoun,
4710 A swete pell, into droune,
4711 An hevy birthen, lyght to bere,
4712 A wikked wawe awey to were.
4713 It is karibdous pilous,
4714 Disagreable and gracious.
4715 It is discordaunce that can ,
4716 And accordaunce to discorde.
4717 It is kunnyng withoute science,
4718 Wisdome withoute sapience,
|