![Manuscript](../img_360/076v_360.jpg) |
3955 A foole is eyth to bigyle;
3956 But may I lyve a litel while,
3957 He shal forthenke his fair semblaunt.
3958 And with that word came drede Avaunt,
3959 Which was abasshed, and in gret fere,
3960 Whanne he wiste Ielousie was there.
3961 He was for drede in sich Affray,
3962 That not a word durst he say,
3963 But quakyng stode full still Aloone,
3964 Til Ielousie his weye was gone,
3965 Save shame, that him not forsoke;
3966 Bothe drede and she ful sore quoke;
3967 That at last drede Abreyde,
3968 And to his cosyn shame seide:
3969 'Shame,' he seide, 'in sothfastnesse,
3970 To me it is gret hevynesse,
3971 That the noyse so ferre is go,
3972 And the sclaundre of us twoo.
3973 But sith that it is byfall,
3974 We may it not ageyn call,
3975 Whanne onys sprongen is a fame.
3976 ffor many a yeer withouten blame
3977 We han ben, and many a day;
3978 ffor many an aprill and many a may
|