![Manuscript](../img_360/009v_360.jpg) |
501 That for an hundreth pounde wolde I,
502 If that the passage opunly
503 Hadde be unto me free
504 That I nolde entren forto se
505 Thassemble, god kepe it fro care
506 Of briddis, whiche therynne ware,
507 That songen, thorugh her mery throtes,
508 Daunces of love, and mery notes.
509 Whan I thus herde foules synge,
510 I felle fast in a weymentyng,
511 By which art, or by what engyne
512 I myght come into that gardyne;
513 But way I couthe fynde noon
514 Into that gardyne for to goon.
515 Ne nought wist I if that ther were
516 Eyther hole or place where,
517 By which I myght have entre;
518 Ne ther was noon to teche me;
519 ffor I was al aloone, iwys,
520 ffor wo and angwishis of this.
521 Til atte laste bithought I me,
522 That by no weye ne myght it be;
523 That ther nas laddre or wey to passe,
524 Or hole, into so faire a place.
|