7045   That we, undir oure clothes wide,
7046   Maken thurgh oure golet glide:
7047   Or but we wole do come in haste
7048   Roo venysoun, bake in paste:
7049   Whether so that he loure or groyne,
7050   He shal have of a corde a loigne,
7051   With whiche men shal hym bynde and lede,
7052   To brenne hym for his synful deede,
7053   That men shull here hym crie and rore
7054   A myle wey aboute, and more.
7055   Or ellis he shal in prisoun dye,
7056   But if he wole his frendship bye,
7057   Or smerten that that he hath do,
7058   More than his gilt amounteth to.
7059   But, and he couthe thurgh his sleght
7060   Do maken up a tour of hight,
7061   Nought rought I whethir of stone or tree,
7062   Or erthe, or turves though it be,
7063   Though it were of no vounde stone,
7064   Wrought with squyre and scantilone,
7065   So that the tour were stuffed well
7066   With all richesse temporell;
7067   And thanne, that he wolde updresse
7068   Engyns, bothe more and lesse,