4767   But it be they of yvel lyf,
4768   Whom Genius cursith, man and wyf,
4769   That wrongly werke ageyn nature.
4770   Noon such I love, ne have no cure
4771   Of sich as loves servauntes bene,
4772   And wole not by my counsel flene.
4773   ffor I ne preise that lovyng,
4774   Wherthurgh men, at the laste eendyng,
4775   Shall calle hem wrecchis full of woo,
4776   Love greveth hem and shendith soo.
4777   But if thou wolt wel love eschewe,
4778   fforto escape out of his mewe,
4779   And make al hool thi sorwe to slake,
4780   No bettir counsel maist thou take,
4781   Than thynke to fleen wel, Iwis;
4782   May nought helpe elles; for wite thou this:
4783   If thou fle it, it shal flee thee;
4784   ffolowe it, and folowen shal it thee.' Lamant
4785   Whanne I hadde herde all Resoun seyne,
4786   Which hadde spilt hir speche in veyne:
4787   'Dame,' seide I, 'I dar wel sey
4788   Of this avaunt me wel I may
4789   That from youre scole so devyaunt
4790   I am, that never the more Avaunt